Sony unikal kamera imkanlarına sahib Xperia 1 IV adlı yeni flaqman smartfonunu təqdim edib - QİYMƏTİ

Sony unikal kamera imkanlarına sahib Xperia 1 IV adlı yeni flaqman smartfonunu təqdim edib - QİYMƏTİ

Mobil Cihazlar
11.05.2022 PAYLAŞIM

    Sony şirkəti Xperia 1 IV adlı yeni flaqman smartfonunu təqdim edib. Təqdim edilmiş yeni smartfon özündə ənənəvi Xperia dizaynını qoruyub saxlayıb və bununla yanaşı təkmilləşdirilmiş texniki özəlliklər əldə edb. Şirkət əvvəlki flaqman smartfonlarında olduğu kimi Xperia 1 IV-də də əsas diqqəti kamera imkanlarına ayırıb. Bununla da şirkət özünün Alpha seriyalı professional kameralarının təcrübəsini istifadəçilərə təqdim etmək niyyətindədir. Beləliklə Xperia 1 IV smartfonu 120 Hz-lik təsvir yenilənməsinə sahib 4K keyfiyyətli 6.5 düym OLED ekran ilə təchiz olunub. Bununla yanaşı ekran Gorilla Glass Victus qoruyucu şüşəsi ilə əhatə edilib. Smartfonun arxa paneli həmçinin əlavə qoruyucu şüşəyə sahibdir. Əvvəlki flaqman smartfon ilə müqayisədə Xperia 1 IV modelinin ekranı 50% daha parlaq olub. Ön panel dizaynı bıxımından qeyd etmək lazımdır ki, ön kamera ənənəvi Xperia modellərində olduğu kimi smartfonun yuxarı hissəsindəki çərçivədə yerləşdirilib.


    Şirkət smartfonda naqilli qulaqlıqlar üçün nəzərdə tutulmuş 3.5 mm-lik audiogirişi qoruyub saxlayıb və Dolby Atmos dəstəkli stereo səsgücləndiriciləri təkmilləşdirib. Beləliklə bu yeni smartfonda səs daha həcmli şəkildə səslənir. Xperia 1 IV modelinin gövdəsi IP65 IP68 standartları üzrə tozdan və sudan qorunur. Barmaq izi skanı texnologiyası smartfonun kənar hissəsinə inteqrasiya edilib. Kontaktsız ödənişlər üçün nəzərdə tutulmuş NFC çipinin dəstəyi reallaşdırılıb. Əsas texniki göstəricilərə gəldikdə isə smartfon Snapdragon 8 Gen 1 prosessoru, 12 GB RAM, 256 GB daxili yaddaş həcmi (1 TB-a kimi microSD dəstəkli), 12 MP (f/1.7 diafraqma, 24 mm fokus məsafəsi, 82 dərəcə bucaq əhatəsi) + 12 MP (f/2.3 + f/2.8 diafraqma, 85-125 mm fokus məsafəsi) + 12 MP (f/.2.2 diafraqma, 16 mm fokus məsafəsi, 124 dərəcə bucaq əhatəsi) üçlü arxa kamera, 12 MP-lik (83 dərəcə bucaq əhatəsi) ön kamera və 30 vatt gücündə sürətli şarj texnologiyalı 5000 mAh enerji tutumlu batareya ilə təchiz olunub.

    Smartfonun bütün kameraları 120 fps sürətlə 4K HDR formatında videolar çəkə bilirlər. Bundan əlavə olaraq kameralar insan gözü və ya seçilmiş obyektlər üzrə fokuslanmanı da dəstəkləyirlər. Fotoları 20 fps sürətlə çəkmək mümkündür. Bununla yanaşı smartfonun kamera obyektivlərində Zeiss T adlı örtükdən istifadə edilir. Bu örtük kadrdakı bulanıq halları minimuma endirir. Video çəkməyi sevənlər üçün smartfonda fərdi ayarlama imkanlarını özündə birləşdirən professional çəkiliş rejimi reallaşdırılıb. Bundan əlavə olaraq Xperia 1 IV-də daha təkmilləşdirilmiş stabilizasiya sistemindən və kadrdakı küyün boğulması üzrə daha effektiv texnologiyadan istifadə edilir. Smartfon həmçinin Qi standartlı naqilsiz və ikitərəfli şarj texnologiyalarının dəstəyinə sahibdir. Xperia 1 IV modeli Funtouch OS 12 interfeysli Android 12 vasitəsilə çalışır. Smartfonu yaxın müddətdə gözləmək lazım deyil. Belə ki, o, payız fəslində satışa çıxacaq və 1599$ qiymətində satılacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Xiaomi 12S-in güman edilən ilk real fotosu internetdə ortaya çıxıb

Çinin Weibo sosial şəbəkəsində Xiaomi 12 seriyasının yeni modelinin ilk real fotosu ortaya çıxıb...


Nothing şirkətinin ilk smartfonu olacaq Nothing Phone (1) haqqında yeni məlumatl..

8 il bundan öncə ilk OnePlus One smartfonunda olduğu kimi OnePlus şirkətinin keçmiş həmtəsisçisi Car..


Samsung öz flaqman smartfonlarında Exynos prosessorlarının istifadəsindən imtina..

Samsung şirkəti Galaxy S22 smartfonlarında AMD RDNA 2 arxitekturası əsaslı qrafikaya sahib Exynos 22..


Redmi Note 11T Pro və Note 11T Pro+ smartfonları təqdim edilib - QİYMƏTİ

Redmi brendinin Redmi Note 11 smartfon seriyasına yeni modellər daxil olublar.


Motorola 200 MP-lik kameraya sahib yeni flaqman smartfon üzərində çalışdığını tə..

Motorola şirkəti özünün yeni flaqman smartfon modelinin ilk tizer fotosunu təqdim edib.


Yeni OnePlus Nord 2T smartfonu təqdim edilib - QİYMƏTİ

Sözügedən smartfon keçən ilki OnePlus Nord 2-nin bir qədər təkmilləşdirilmiş versiyasıdır...

×