Sony şirkəti Xperia 1 V flaqman smartfonunu təqdim etməklə Xperia smartfon seriyasını genişləndirib. Təqdim edilmiş yeni Xperia 1 V smartfonu xarici görünüşcə daha öncəki Xperia modellərindən fərqlənmir. Smartfon yastı kənar hissələrə və simmetrik ekran çərçivələrinə sahibdir. Xperia 1 V-in ekranı üzərində ön kamera üçün heç bir çıxıntı yoxdur. Ön kamera ekranın yuxarı hissəsindəki çərçivə üzərində yerləşdirilib. Beləliklə Xperia 1 V smartfonu 120 Hz-lik təsvir yenilənməsinə sahib 3840x1644 piksel keyfiyyətli 6.5 düym OLED ekran ilə təchiz olunub. Ekran Gorilla Glass Victus 2 qoruyucu şüşəsi ilə əhatə olunub.

    Barmaq izi skanı texnologiyası yandırıb/söndürmə düyməsinə inteqrasiya edilib. Bununla yanaşı smartfonun gövdəsi IP68 standartı üzrə sudan qorunur. Xperia 1 V özündə kontaktsız ödənişlər üçün NFC çipini və naqilli qulaqlıqlar üçün 3.5 mm-lik audiogirişi birləşdirir. Əsas texniki göstəricilərə gəldikdə isə smartfon Snapdragon 8 Gen 2 prosessoru, 12 GB RAM, 256 GB daxili yaddaş həcmi (1 TB-a kimi microSD dəstəkli), 52 MP + 12 MP + 12 MP üçlü arxa kamera, 12 MP-lik ön kamera və 30 vatt gücündə sürətli şarj texnologiyalı 5000 mAh enerji tutumlu batareya ilə təchiz olunub.

    Smartfon həmçinin 30 vatt gücündə sürətli naqilsiz şarj texnologiyasını da dəstəkləyir. Şirkət bildirib ki, 52 MP-lik əsas arxa kameranın əsas fərqləndirici özəlliyi piksel strukturundadır. Belə ki, piksel strukturundakı fotodiod və tranzistor 2 ayrı-ayrı laylara ayrılıb. Bu isə öz növbəsində kamera tərəfindən udulan işığın miqdarını çoxaldır və kadrda ola biləcək səs-küyü azaldır. Nəticədə yaxşı işıqlandırılmamış mühitdə kamera vasitəsilə çəkilən fotoların keyfiyyətləri iki dəfə yüksəlir. Xperia 1 V smartfonu Android 13 vasitəsilə çalışır. Smartfon iyunun sonunda satışa çıxacaq və Avropa bazarında 1400 avroya satılacaq.