Sony Xperia 5 V flaqman smartfonu barəsində yeni məlumat verilib

    Artıq dəfələrlə məlumat verilib ki, Sony hal hazırda Xperia 5 V adlı yeni flaqman smartfon üzərində çalışır. İndi isə sözügedən smartfon 3C adlı sertifikatlaşdırma agentliyinin məlumatlar bazasında ortaya çıxıb. Sertifikatlaşdırma agentliyinin məlumatlar bazasına əsasən Xperia 5 V smartfonu XQ-DQ72 model nömrəsinə sahibdir. Ortaya çıxmış məlumata əsasən Xperia 5 V smartfonu 33 vatt gücündə sürətli şarj texnologiyasının dəstəyinə sahib olacaq. Müqayisə üçün qeyd etmək lazımdır ki, Xperia 5 IV smartfonu 30 vatt gücündə sürətli şarj texnologiyasını dəstəkləyir. Həmçinin Xperia 5 V 120 Hz-lik təsvir yenilənməsinə sahib OLED ekran, Snapdragon 8 Gen 2 prosessoru və 16 GB RAM ilə təchiz olunacaq. Smartfon yay aylarından birində təqdim olunmalıdır.