Sony Xperia 5 V smartfonu Geekbench testlərindən keçib

    Keçən həftə Sony şirkəti Xperia 5 V adlı yeni kompakt ölçülü smartfonunun təqdimatını anons etdi. Sözügedən smartfon 1 sentyabr tarixində Çində təqdim ediləcək. İndi isə məlum olub ki, Xperia 5 V smartfonu Geekbench testlərindən keçib. Geekbench məlumatlarına əsasən Sony-nin bu yeni smartfonu Snapdragon 8 Gen 2 prosessoru ilə təchiz olunub və Android 13 əməliyyat sisteminə sahibdir. Geekbench testlərindən smartfonun 8 GB RAM-a sahib versiyası keçib. Beləliklə Xperia 5 V Geekbench-in bir nüvəli testi çərçivəsində 2004 xal, çox nüvəli testi çərçivəsində isə 5059 xal toplayıb.