Sony Xperia Pro-I II flaqman smartfonu barəsində yeni məlumatlar ortaya çıxıb

    Sony şirkəti 2021-ci ildə Xperia Pro-I adlı flaqman smartfonunu təqdim etmişdi. İndi isə şirkət onun davamçısı üzərində çalışır. Söhbət, Xperia Pro-I II-dən gedir. Bu smartfonun sxematik render fotosu ilə bəzi məlumatları ortaya çıxıb. Ortaya çıxmış sxematik render fotoya əsasən Xperia Pro-I II smartfonu üçlü arxa kamera ilə təchiz olunacaq. Maraqlısı ondadır ki, onlardan ikisi 1 düym ölçülü kamera sensoruna sahib ola bilər. Digər texniki özəlliklərə gəldikdə isə smartfon yüksək təsvir yenilənməsinə sahib OLED ekran və Snapdragon 8 Gen 2 prosessoru ilə təchiz olunmalıdır. Xperia Pro-I II-nin nə zaman təqdim ediləcəyi bilinmir. Ola bilər ki, Sony onu bu ilin dördüncü rübündə təqdim etsin.