Spotify-da bütün videoları söndürmək artıq mümkündür
Technote.az “The Verge” platformasına istinadən bildirir ki, Spotify istifadəçilər üçün yeni bir funksiyanı istifadəyə verir. Artıq tətbiq daxilində bütün video məzmunları, istər musiqi videoları, istər podkast videoları, istərsə də qısa “Canvas” animasiyaları tam şəkildə deaktiv etmək mümkün olacaq.
Yeni ayarlar hazırda mərhələli şəkildə bütün dünya üzrə istifadəyə verilir və həm mobil cihazlarda, həm də masaüstü versiyada çalışır. Funksiya istifadəçilərə tətbiqdə yalnız audio təcrübəsinə fokuslanmaq imkanı yaradır. Spotify tətbiqində “Content and display” (mobil) və ya “Display” (desktop) bölməsində yerləşəcək bu funksiyalar vasitəsilə istifadəçilər:
- Canvas-ı deaktiv edə biləcək
- Musiqi videolarını tam söndürə biləcək
- Podkast və digər bütün video formatlarını bloklaya biləcək
Beləliklə, istifadəçilər istəsələr, Spotify-ı tam olaraq “yalnız səs platforması” kimi istifadə edə biləcəklər. Yeni funksiyanın diqqətçəkən tərəflərindən biri də Family Plan istifadəçilərinə yönəlib. Paket idarəçiləri artıq:
- Hər bir istifadəçi üçün ayrıca video məhdudiyyəti tətbiq edə biləcək
- Video məzmunu tam blokladıqda, həmin istifadəçilər bu ayarı dəyişə bilməyəcək
Bu isə valideyn nəzarəti və məzmun idarəetməsi baxımından əlavə üstünlük yaradır.
Paylaş
