Spotify istifadəçiləri yenə problemlə üzləşiblər

  Spotify iyulun 27-də ikinci dəfə genişmiqyaslı texniki problemlə üzləşib. Nasazlıq nəticəsində bəzi istifadəçilər Spotify-ın veb-saytına və tətbiqlərinə daxil olmaqda, eləcə də musiqi dinləməkdə çətinlik çəkirlər. Spotify Status hesabı problemin mövcudluğunu təsdiqləyərək şirkətin veb-saytında yaranan nasazlıqlardan xəbərdar olduğunu və məsələni araşdırdığını bildirib.

  Maraqlıdır ki, bu, Spotify-ın gün ərzində üzləşdiyi ilk problem deyil. İyulun 27-də səhər saatlarında da xidmətin işində kəsinti qeydə alınmışdı. Həmin nasazlıq istifadəçi şikayətlərinin başlamasından təxminən bir saat sonra aradan qaldırılmışdı. Lakin bir neçə saat sonra Spotify-da yenidən problemlər yaranıb. Downdetector platformasında istifadəçilər xidmətlə bağlı şikayətlər bildirməyə davam edirlər. Spotify problemin səbəbi ilə bağlı əlavə açıqlama verməyib.