Təqdim olunmamış Motorola Edge 60 Neo-nun render fotoları ortaya çıxıb

     Motorola şirkəti orta büdcəli Motorola Edge 60 Neo smartfonunu təqdim etməyə hazırlaşır. İndi isə sözügedən smartfonun render fotoları ortaya çıxıb. Ortaya çıxmış fotolardan da görmək olar ki, Motorola Edge 60 Neo smartfonu bu şirkətin smartfonlarına xas olan dizaynı əldə edəcək. Smartfon özündə yastı gövdə dizaynını birləşdirəcək və onun arxa panelində kvadrat formalı kamera sahəsi yerləşəcək. Kamera sahəsinin daxilində isə 3 ədəd kamera mövcud olacaq. Motorola Edge 60 Neo-nun texniki imkanları barəsində hələ heç bir məlumat yoxdur. Smartfon gələn ayın əvvəlində start götürəcək IFA 2025 sərgisində təqdim oluna bilər.