Təqdimata hazırlaşan Huawei Watch Fit 3 smart saatının əsas özəllikləri açıqlanıb

     Huawei şirkəti dünən qlobal bazarda yeni cihazlarının təqdimatlarını anons etdi. Şirkət öz yeni cihazlarını qlobal bazarda 7 may tarixində təqdim edəcək. Təqdim ediləcək cihazlar arasında Huawei Watch Fit 3 smart saatı da olmalıdır. Qeyd etmək lazımdır ki, bir neçə müddət bundan öncə sözügedən smart saatın render fotoları ortaya çıxmışdı. Həmin render fotolara əsasən sözügedən smart saat xarici görünüşcə Apple Watch modellərini xatırladacaq. İndi isə Roland Quandt adlı məşhur insayder Huawei Watch Fit 3 smart saatının bəzi texniki özəllikləri barəsində məlumatları bölüşüb.

     Beləliklə insayderin sözlərinə əsasən Huawei Watch Fit 3 smart saatı bazara 3 gövdə rəngində satışa çıxacaq və o, 480x480 piksel keyfiyyətli 1.82 düym AMOLED ekranla təchiz olunacaq. Smart saat özündə Bluetooth 5.2-ni, GPS-i və istifadəçi səhhətinin müxtəlif göstəricilərini ölçmək üçün nəzərdə tutulmuş sensorları birləşdirəcək. İnsayder bildirib ki, Huawei Watch Fit 3 smart saatı 400 mAh enerji tutumlu batareyanı əldə edəcək və bir dəfə şarj olunandan sonra 10 gün ərzində çalışa biləcək. Bundan əlavə olaraq smart saatın gövdəsi sudan və tozdan qorunma özəlliyinə sahib olacaq. İnsayderin sözlərinə inansaq, Huawei Watch Fit 3-ün rezin kəmərli versiyası 160 avroya, dəri kəmərli versiyası isə 180 avroya satılacaq.

Bənzər xəbərlər

Elm & Texnologiya

Huawei kompüterlər üçün nəzərdə tutulmuş yeni Kirin prosessoru üzərində çalışır

ABŞ tərəfindən olan sanksiyalara baxmayaraq Huawei şirkəti öz smartfonları üçün nəzərdə tutulmuş Kirin prosessorlarını hazırlamağa davam edir. Ortaya çıxmış yeni məlumata əsasən şirkət kompüterlər üçün nəzərdə tutulmuş yeni Kirin prosessoru üzərində çalışır.

Cihazlar+

Huawei qlobal bazar üçün yeni cihazlarının təqdimatlarını anons edib

Huawei şirkəti qlobal bazarda öz yeni cihazlarının təqdimatlarını anons edib.

Cihazlar+

Huawei nova 13 Pro və nova 13 Ultra smartfonlarının bəzi özəllikləri açıqlanıb

Huawei şirkəti hal-hazırda nova 13 smartfon seriyası üzərində çalışır. Bu seriyaya daxil olacaq modellər arasında nova 13 Pro və nova 13 Ultra olacaqlar.

Tech-Biznes

Honor Çinin smartfon bazarının liderinə çevrilib

International Data Corporation (IDC) şirkətinin analitikləri 2024-cü ilin birinci rübü üzrə Çinin smartfonlar bazarının göstəricilərini qiymətləndiriblər.

Təhlükəsizlik

Huawei Pura 70 seriyası ilə təqdim edilən AI redaktə aləti şəkildəki insanların paltarını çıxara bildiyi üçün müzakirələrə səbəb olub! (VİDEO)

Huawei-nin ən son Pura 70 seriyası süni intellekt tərəfindən dəstəklənən obyekt silmə xüsusiyyətinə malikdir. Lakin bu xüsusiyyət insanların geyimlərinin hissələrini təsadüfən silə bildiyi üçün tənqid atəşinə tutulub.