Təqdimata hazırlaşan Moto Edge 50 Neo-nun texniki imkanları ortaya çıxıb

     Motorola şirkəti Moto Edge seriyasının yeni smartfonunu təqdim etməyə hazırlaşır. Söhbət, Moto Edge 50 Neo-dan gedir. Məlum olub ki, bu yeni smartfon Ukraynanın Citrus adlı online mağazasında ortaya çıxıb. Beləliklə Moto Edge 50 Neo-nun bu online mağazasının səhifəsindəki məlumatlara əsasən smartfon 120 Hz-lik təsvir yenilənməsinə sahib 6.4 düym ölçülü OLED ekranla təchiz olunacaq və MediaTek Dimensity 7300 prosessoru vasitəsilə çalışacaq. Smartfon özündə 8 GB RAM ilə 256 GB daxili yaddaş həcmini birləşdirəcək. Məlumata əsasən kameralar mövzusunda Moto Edge 50 Neo 50 MP + 13 MP + 10 MP üçlü arxa kameranı, 32 MP-lik ön kameranı və 4310 mAh enerji tutumlu batareyanı əldə edəcək. Çox güman ki, Moto Edge 50 Neo yaxın zamanda təqdim olunacaq.