Təqdimata hazırlaşan Redmi Turbo 3 smartfonu Geekbench testlərindən keçib

     Dünən Redmi brendi Redmi Turbo 3 smartfonunun təqdimatını anons etdi. Smartfon bu ay ərzində təqdim olunacaq. Lakin dəqiq təqdimat tarixi daha sonra açıqlanacaq. İndi isə məlum olub ki, Redmi Turbo 3 smartfonu Geekbench testlərindən keçib. Geekbench məlumatlarına əsasən sözügedən smartfon Snapdragon prosessorunu əldə edəcək. Məlumatlarda prosessorun konkret adı çəkilməsə də bunun Snapdragon 8s Gen 3 olacağı gözlənilir. Bununla yanaşı məlum olub ki, Redmi Turbo 3 smartfonu 16 GB RAM ilə təchiz olunacaq və qutudan Android 14-ü əldə edəcək. Smartfon Geekbench-in bir nüvəli testi çərçivəsində 1981 xal, çox nüvəli testi çərçivəsində isə 5526 xal toplayıb