Təqdimata sayılı günlər qalmış Xiaomi 15 smartfonu Geekbench testlərindən keçib

     Xiaomi 23 oktyabr tarixində Çində Xiaomi 15 smartfonlarını təqdim edəcək. Təqdimata sayılı günlər qalmış adi Xiaomi 15-in Geekbench testlərindən keçdiyi məlum olub. Bu öz növbəsində Xiaomi 15 barəsində daha öncə ortaya çıxmış bəzi məlumatları təsdiqləmiş oldu. Beləliklə Geekbench-in məlumatlar bazasına əsasən adi Xiaomi 15 smartfonunun prosessoru 4.32 və 3.53 GHz tezliklərdə çalışan nüvələrdən təşkil edilib. Çox güman ki, söhbət, təqdimata hazırlaşan Snapdragon 8 Elite prosessorundan gedir Geekbench testlərindən Xiaomi 15-in 16 GB RAM-a sahib versiyası keçib. Üstəlik Geekbench sayəsində məlum olub ki, bu yeni smartfon qutudan Android 15-i əldə edəcək. Smartfon Geekbench-in bir nüvəli testi çərçivəsində 3097 xal, çox nüvəli testi çərçivəsində isə 9688 xal toplayıb.