Reklam
Təqdimatdan 1 gün öncə iPhone 14-lərin texniki özəllikləri və satış qiymətləri ortaya çıxıb

Təqdimatdan 1 gün öncə iPhone 14-lərin texniki özəllikləri və satış qiymətləri ortaya çıxıb

Mobil Cihazlar
05.09.2022 PAYLAŞIM

    iPhone 14 smartfon seriyasının təqdimatına 1 gün qalmış internetdə kütləvi informasiya vasitələri üçün nəzərdə tutulmuş materiallar artıq hazırdır. Həmin materiallardan birinin fotosu isə internetdə ortaya çıxıb. Ortaya çıxmış fotoda sabahkı təqdimat çərçivəsində təqdim ediləcək yeni iPhone modellərinin adları, texniki özəllikləri və satış qiymətləri əks olunub. Əgər ortaya çıxmış foto həqiqəti əks etdirirsə, deməli Apple sabah iPhone 14, iPhone 14 Plus, iPhone 14 Pro iPhone 14 Pro Max smartfonlarını təqdim edəcək. Daha əvvəlki məlumat sızıntılarından da görmək olar ki, şirkət iPhone mini modelindən imtina edib. Fotonu təqdim etmiş mənbə Çində yerləşdiyi üçün fotodakı qiymətlər yuan ilə təqdim olunublar. Lakin satış qiymətlərinin dollara konvertasiyası nəticəsində görmək olar ki, 6.1 düym ekrana və 128 GB daxili yaddaşa sahib olacaq iPhone 14 modeli 970$-a satılacaq.


    Bununla yanaşı məlumatda qeyd edilib ki, sözügedən iPhone modeli A15 Bionic prosessoru və 6 GB RAM ilə təchiz olunacaq. Maraqlısı ondadır ki, adi iPhone 14-ün batareya həcmi iPhone 14 Pro-nun batareya həcmindən daha böyük olacaq. Belə ki, iPhone 14 Pro-nun 3200 mAh enerji tutumlu batareyaya sahib olacağı bir vaxtda adi iPhone 14 modeli 3279 mAh enerji tutumlu batareyaya sahib olacaq. Smartfonda yeganə giriş kimi Lightning istifadə olunacaq və onun əsas arxa kamerası 12 MP-lik olacaq. Fotodan həmçinin görmək olar ki, iPhone 14 Pro modellərinin ön panellərində xarici görünüş dəyişikliyi olacaq. Belə ki, sözügedən smartfonların ekranlarında 2 ədəd çıxıntı hissə yerləşəcək. Onlardan biri dairəvi, digəri isə oval formada olacaq. Lakin Bloomberg-in verdiyi son məlumata əsasən iPhone 14 Pro modellərinin ekranlarında əslində 2 ədəd dairəvi çıxıntı hissə olacaq.

    Sadəcə olaraq üçüncü dairəvi çıxıntı proqram təminatı səviyyəsində rellaşdırılacaq və o, digər dairəvi çıxıntı ilə birləşərək oval formanı yaradacaq. Bloomberg-in məlumatında qeyd edilmişdi ki, proqram təminatı səviyyəsində reallaşdırılacaq dairəvi çıxıntı kamera indikatoru və mikrofon üçün istifadə ediləcək. Qalan vaxtda isə həmin çıxıntı deaktiv şəkildə olacaq. iPhone 14 Pro modellərində olacaq daha bir yenilik isə onların 48 MP-lik əsas arxa kamera ilə təchiz olunacaqlarıdır. Bundan əlavə olaraq təqdim edilmiş fotoda qeyd edilib ki, iPhone 14 Pro modelləri A16 Bionic prosessoruna sahib olacaqlar. Qeyd etmək lazımdır ki, iPhone 14 smartfon seriyası artıq sabah təqdim olunacaq. Təqdimat çərçivəsində həmçinin Apple Watch 8 smart saat seriyasının da təqdim olunacağı gözlənilir.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Xiaomi 12T və 12T Pro flaqman smartfonları təqdim olunub - QİYMƏTİ

Xiaomi şirkəti yeni flaqman smartfon seriyasını təqdim edib. Söhbət, Xiaomi 12T seriyasından gedir...


Apple iPhone SE 4 adlı növbəti büdcəli smartfon üzərində çalışır

Bugünə kimi Apple artıq iPhone SE seriyasının 3 smartfon modelini təqdim edib.


Galaxy S23 və Galaxy S23+ smartfonlarının dizaynları sərgilənib

OnLeaks ləqəbli məşhur insayder gələn ilin əvvəlində təqdim olunacaqları gözlənilən Galaxy S23 və Ga..


Orta büdcəli Xiaomi Civi 2 smartfonu təqdim olunub - QİYMƏTİ

Xiaomi şirkəti ilk növbədə gənclər üçün nəzərdə tutulmuş Civi 2 smartfonunu təqdim edib...


Samsung smartfonlar üçün ekranın alt hissəsinə yerləşdirilən ikili ön kamera tex..

Smartfon istehsalçılarının bir hissəsi öz məhsullarının ekranlarında müxtəlif çıxıntı hissə ilə təcr..


Apple gələn il iPhone 15 Pro Max-ı iPhone 15 Ultra ilə əvəzləyə bilər

Bloomberg saytının jurnalisti Mark Gurman-ın fikrincə gələn il Apple şirkəti adi iPhone modelləri il..

×