UGREEN-in məşhur 3-ü-1 simsiz şarj cihazı 32 % endirimlə satışdadır

    Technote.az “Engadget” platformasına istinadən bildirir ki, masaüstünü və ya yataq otağındakı şkafı səliqəyə salmaq istəyənlər üçün UGREEN-dən cəlbedici fürsət yaranıb. Brendin ən sevilən məhsullarından biri olan UGREEN MagFlow Qi2 3-in-1 Charger Station 25W hazırda 32 % endirimlə satışa çıxarılıb. Normalda 140 dollar olan simsiz şarj cihazını indi 95 dollara əldə etmək mümkündür.

    Bu model eyni anda üç fərqli cihazı: iPhone, Apple Watch və AirPods-u – şarj edə bilməsi ilə seçilir. Qatlana bilən dizaynı sayəsində həm evdə daimi istifadə üçün, həm də səyahətlərdə rahatlıqla daşına bilən portativ şarj stansiyası kimi istifadə oluna bilər. Premium hiss yaradan dizayn detalları isə məhsulu oxşar modellərdən fərqləndirir.

    Qi2 texnologiyası ilə 25W sürətli simsiz şarj dəstəyi təqdim edən cihaz, uyğun iPhone modelləri və aksesuarlarla yüksək performans göstərir. Apple Watch üçün ayrıca ayrılmış şarj hissəsi isə saatın özünəməxsus şarj standartına tam uyğunlaşdırılıb. Qeyd edək ki, 25W gücdən tam istifadə etmək üçün daha yeni iPhone modeli və iOS 26 tələb olunur.