Vivo şirkəti iki yeni qatlana bilən smartfon üzərində çalışır

    Vivo şirkəti artıq bir neçə qatlana bilən smartfon modelinə sahibdir. Təkcə bu il ərzində şirkət vivo X Fold 2 ilə X Flip-i təqdim edib. Lakin görünür, şirkət bununla yetinmək niyyətində deyil. Belə ki, vivo yeni qatlana bilən smartfonlar üzərində çalışır. Avropa Birliyinin intellektual mülkiyyət üzrə təşkilatının (EUIPO) saytında vivo-nun iki yeni əmtəə nişanı ortaya çıxıb. Söhbət, S Flip və V Flip-dən gedir. Bunlar şirkətin yeni qatlana bilən qapaqlı smartfonlarının adlarını əhatə edə bilərlər. Vivo X Fold 2 ilə X Flip modellərinin flaqman smartfonlar seqmentinə daxil olduqlarını nəzərə alsaq, güman etmək olar ki, S Flip ilə V Flip smartfonları orta büdcəli qatlana bilən smartfonlar seqmentinə daxil olacaqlar. Vivo-nun bu yeni qatlana bilən smartfonlarının nə zaman təqdim olunacaqları bilinmir.