Vivo X100 flaqman smartfonu AnTuTu-da növbəti rekorda imza atıb
Cihazlar+
31.10.2023
Emil
Vivo şirkəti hal hazırda vivo X100 adlı yeni smartfon seriyasını təqdim etməyə hazırlaşır. Sözügedən seriyaya vivo X100, X100 Pro və X100 Pro+ modelləri daxil olmalıdırlar. İndi isə məlum olub ki, vivo X100 modeli AnTuTu testlərindən keçib. Məlumatda qeyd edilib ki, AnTuTu testlərindən smartfonun 16 GB RAM-a və 1 TB daxili yaddaş həcminə sahib versiyası keçib.
Həmçinin məlum olub ki, AnTuTu testlərindən keçmiş vivo X100 MediaTek-in yaxın günlərdə təqdim edəcəyi Dimensity 9300 flaqman prosessoru vasitəsilə çalışır. Beləliklə vivo X100 smartfonu AnTuTu testlərində ümumilikdə 2 249 858 xal toplayıb. Nəticədə Dimensity 9300 prosessoruna sahib bu smartfon Snapdragon 8 Gen 3 prosessoru vasitəsilə çalışan smartfonlardan daha güclü olub. Müqayisə üçün qeyd etmək lazımdır ki, Snapdragon 8 Gen 3-ə sahib Xiaomi 14 Pro smartfonu AnTuTu testlərində ümumilikdə 2.1 milyon xal toplayır.
Paylaş
Ən çox oxunanlar
Təqdimata sayılı günlər qalmış Samsung Galaxy S25 smartfonlarının reklam fotoları ortaya çıxıb
