Vivo X100 Ultra smartfonu barəsində məlumatlar verilib
Vivo şirkəti keçən il vivo X100 smartfon seriyasını təqdim etmişdi. Sözügedən seriyaya vivo X100 və X100 Pro modelləri daxildir. Lakin Digital Chat Station ləqəbli məşhur insayderin sözlərinə əsasən şirkət hal-hazırda vivo X100 Ultra flaqman smartfonu üzərində çalışır. İnsayderin sözlərinə əsasən vivo X100 Ultra smartfonunun əsas arxa kamerası Sony LYT900 kamera obyektivi olacaq. Bununla yanaşı smartfon 50 MP-lik ultra geniş bucaqlı obyektivi əldə edəcək. Teleobyektiv isə smartfonda 200 MP-lik olacaq və o, 200 qat hibrid zoom özəlliyini özündə birləşdirəcək. Bununla yanaşı insayder bildirib ki, vivo X100 Ultra smartfonu ikitərəfli peyk rabitəsi texnologiyasının dəstəyini əldə edəcək. Vivo X100 Ultra-nın nə zaman təqdim olunacağı hələ bilinmir.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
