Vivo X100s smartfonunun fotoları ortaya çıxıb

     Vivo şirkəti vivo X100s smartfon seriyasını təqdim etməyə hazırlaşır. Bu seriyaya adi vivo X100s ilə birlikdə həmçinin vivo X100s Pro da daxil olmalıdır. İndi isə internetdə adi vivo X100s-in fotoları ortaya çıxıblar. Ortaya çıxmış fotolara əsasən bu smartfon xarici görünüşcə keçən il təqdim edilmiş vivo X100-ə bənzəyəcək. Fotolardan da görmək olar ki, vivo X100s smartfonu yastı gövdəni və ekranı əldə edəcək.

     Onun arxa panelində isə dairəvi formalı böyük kamera sahəsi yerləşəcək. Kamera sahəsinin daxilində 3 ədəd obyektiv olacaq. Gözləntilərə əsasən vivo X100s-in arxa kamera göstəriciləri adi vivo X100-ün kamera göstəriciləri ilə eyni olacaq. Yəni söhbət, 50 MP + 50 MP + 64 MP üçlü arxa kameradan gedir. Məlumata əsasən vivo X100s smartfonu MediaTek Dimensity 9300 Plus prosessoru vasitəsilə çalışacaq. Sözügedən prosessor isə 7 may tarixində təqdim olunacaq.