Xiaomi şirkətinin CEO-su Lei Jun Çinin Weibo adı sosial şəbəkəsində Xiaomi 13 Pro-nun əsas arxa kamera obyektivi barəsində məlumatlar verib və həmin kamera vasitəsilə çəkilmiş fotoları təqdim edib. Lei Jun-un sözlərinə əsasən Xiaomi 13 Pro-nun əsas arxa kamerası çəkilmiş fotoların keyfiyyətləri məsələsində digər brendlərin flaqman smartfonları ilə rəqabət apara biləcək. Beləliklə məlumatda qeyd edilib ki, Xiaomi 13 Pro smartfonu 50 MP-lik Sony IMX989 kamerasını əldə edəcək. Sözügedən kamera obyektivi Sony və Xiaomi-nin birgə əməkdaşlığı çərçivəsində hazırlanıb. Birgə əməkdaşlıq çərçivəsində hər iki şirkət bu kameranın hazırlanması üçün ümumilikdə 3 450 000 dollar vəsait xərcləyib. Sony IMX989-un piksel ölçüsü 1.5 mikometr təşkil edir. Bununla yanaşı o, faza avtofokusuna sahibdir. Sözügedən kameranın çəkiliş imkanlarını təqdim edilmiş fotolardan görmək olar.