Xiaomi şirkətinin CEO-su Lei Jun Çinin Weibo adlı sosial şəbəkəsindəki yeni paylaşımında Xiaomi 13 və Xiaomi 13 Pro smartfonlarında Leica istehsalı olan 75 mm-lik köməkçi kameradan danışıb. Bununla yanaşı şirkətin CEO-su həmin kamera vasitəsilə çəkilmiş foto nümunələr də təqdim edib. Lei Jun təsdiqləyib ki, Xiaomi 13 smartfonları Leica-nın f/2.0 diafraqmaya sahib 75 mm-lik teleobyektivi ilə təchiz olunacaqlar. Bununla yanaşı o qeyd edib ki, sözügedən kamera Xiaomi tarixininin ən yxşı köməkçi kamerası olacaq. Məlumatda teleobyektivin hansı MP göstəricisinə sahib olacağı qeyd edilməyib. Lakin təqdim edilmiş fotolardan onun çəkiliş imkanlarını qiymətləndirmək olar.