Xiaomi-nin yaxın zamanda təqdim edəcəyi yeni məhsul Xiaomi 13T flaqman smartfon seriyası olmalıdır. Sözügedən seriyaya Xiaomi 13T və Xiaomi 13T Pro modelləri daxil olacaqlar. Lakin insayderlərin vermiş olduqları yeni məlumata əsasən adi Xiaomi 13T modeli satışa çıxacağı bəzi regionlarda fərqlənəcək. Belə ki, məlumatda qeyd edilib ki, bəzi regionlarda Xiaomi 13T modeli Leica kameralarını əldə etməyəcək. Digər regionlarda isə smartfonun Leica kameralarına sahib versiyası satılacaq. İnsayderlər tərəfindən Xiaomi 13T-nin təqdim edilmiş render fotosu da bunu təsdiqləyir. Görünür, şirkət bəzi regionlarda Xiaomi 13-ün Xiaomi 13T üzərindəki bəzi üstünlükləri aradan qaldırmaq istəmir. Buna görə də şirkət bəzi regionlar üçün Xiaomi 13T-də Leica kameralarından imtina etmək qərarına gəlib.