Xiaomi 13T Pro təqdimata hazırdır

    Xiaomi artıq müəyyən müddətdir ki, Xiaomi 13T Pro smartfonu üzərində çalışır. Görünür, smartfonun təqdimatı artıq çox yaxındır. Belə ki, Xiaomi 13T Pro NBTC adlı telekommunikasiya agentliyinin məlumatlar bazasında ortaya çıxıb. Yəni smartfon artıq təqdimata hazırdır. Təəssüflər olsun ki, məlumatlar bazasında Xiaomi 13T Pro-nun texniki göstəriciləri barəsində məlumat əks olunmayıb. Lakin daha öncəki məlumat sızıntılarına inansaq, smartfon 144 Hz-lik təsvir yenilənməsinə sahib AMOLED ekran, MediaTek Dimensity 9200+ prosessoru, 8/12/16 GB RAM, 256/512 GB daxili yaddaş həcmi və 5000 mAh enerji tutumlu batareya ilə təchiz olunacaq.