Xiaomi hal hazırda Xiaomi 14 və Xiaomi 14 Pro flaqman smartfonlarının hazırlanması ilə məşğul olur. Digital Chat Station ləqəbli məşhur insayder isə sözügedən smartfonların batareyaları barəsində məlumatları təqdim edib. Beləliklə insayderin sözlərinə əsasən adi Xiaomi 14 modeli 5000 mAh enerji tutumlu batareya ilə təchiz olunacaq və 90 vatt gücündə sürətli şarj texnologiyasını dəstəkləyəcək. Lakin çox güman ki, smartfonda sürətli naqilsiz şarj texnologiyasının dəstəyi olmayacaq.

    Xiaomi 14 Pro-ya gəldikdə isə o da 5000 mAh enerji tutumlu batareya ilə təchiz olunacaq. Lakin adi Xiaomi 14-dən fərqli olaraq Xiaomi 14 Pro modeli 120 vatt gücündə sürətli şarj texnologiyasını dəstəkləyəcək. Bununla yanaşı Pro model özündə 50 vatt gücündə sürətli naqilsiz şarj texnologiyasının dəstəyini birləşdirəcək. Qeyd etmək lazımdır ki, Xiaomi 14 smartfon seriyasının bu ilin sonunda təqdim ediləcəyi gözlənilir.