Xiaomi artıq növbəti flaqman smartfon seriyası üzərindfə aktiv çalışmağa başlayıb. Söhbət, Xiaomi 14 smartfon seriyasından gedir. Sözügedən seriyaya adi Xiaomi 14 ilə Xiaomi 14 Pro-nun da daxil olacağı gözlənilir. Digital Chat Station ləqəbli məşhur insayder isə öz növbəsində hər iki smartfonun əsas arxa kamerası barəsində məlumatlar verib. İnsayderin sözlərinə əsasən şirkət adi Xiaomi 14 modelində 1/1.28" ölçülü 50 MP-lik kamera sensorunu test edir. İnsayder bildirib ki, söhbət, Sony IMX707 adlı kamera sensorundan getmir.

    O qeyd edib ki, smartfonda tamamilə yeni kamera sensoru istifadə ediləcək. Xiaomi 14 Pro-ya gəldikdə isə məlumatda qeyd edilib ki, o, Sony IMX9xx adlı 1" düym ölçülü kamera sensorunu əldə edəcək. Kamera sensorunun adının tam açıqlanmaması nəticəsində Xiaomi 14 Pro-nun dəqiq şəkildə hansı əsas arxa kamera obyektivini əldə edəcəyini söyləmək çətindir. Variantlardan biri kimi Sony IMX989 adlı 50 MP-lik kamera sensoru ola bilər. Lakin smartfonun tamamilə yeni kamera sensorunu əldə edəcəyi də istisna deyil. Qeyd etmək lazımdır ki, Xiaomi 14 smartfon seriyasının ilin sonunda təqdim olunacağı gözlənilir.