Xiaomi 14 Ultra Sony-nin yeni mobil kamerasını əldə edə bilər

    Digital Chat Station ləqəbli məşhur insayder Xiaomi-nin gələcək flaqman smartfonu barəsində məlumatlar verib. Söhbət, Xiaomi 14 Ultra-dan gedir. Beləliklə insayderin sözlərinə əsasən Xiaomi 14 Ultra smartfonu 2K keyfiyyətli ekran və dördlü arxa kamera ilə təchiz olunacaq. Məlumatda qeyd edilib ki, əsas arxa kamera rolunda Sony-nin bir neçə müddət bundan öncə təqdim etmiş olduğu LYT900 adlı yeni kamerası çıxış edəcək. Qeyd etmək lazımdır ki, Sony LYT900 kamera sensoru Sony IMX989-un yaxşılaşdırılmış versiyasıdır. Sony IMX989 isə öz növbəsində Xiaomi 13 Ultra-da tətbiq edilir. Sony LYT900 şirkətin Lytia adlı yeni mobil kamera brendinə daxil olan yeni kamera sensorlarından biridir.