Xiaomi 15-in qlobal versiyasının təqdimatı anons edilib

     Xiaomi keçən ilin oktyabr ayında Çində Xiaomi 15 və Xiaomi 15 Pro smartfonlarını təqdim etmişdi. İndi isə şirkət Xiaomi 15 seriyasının qlobal versiyasının təqdimatına hazırlaşır. Xiaomi rəsmi şəkildə bu təqdimatın tarixini açıqlayıb. Şirkət tərəfindən təqdim edilmiş posterə əsasən Xiaomi 15 seriyasının qlobal versiyası 2 mart tarixində təqdim ediləcək.

     Qeyd etmək lazımdır ki, bu ayın sonuna kimi Çində Xiaomi 15 Ultra-nın da təqdim olunacağı gözlənilir. Heç istisna deyil ki, Xiaomi 15 Ultra-nın da qlobal versiyası məhz 2 mart tarixində Xiaomi 15 ilə birlikdə təqdim olunsun. Daha öncə güman olunurdu ki, şirkət Xiaomi 15 seriyasının qlobal versiyasını 3 mart tarixindən 6 mart tarixinə kimi Barselonada keçiriləcək MWC 2025 sərgisi çərçivəsində təqdim edəcək. Lakin Xiaomi-nin rəsmi elanına əsasən təqdimat sərgidən 1 gün qabaq baş tutacaq.

     Nəzərə almaq lazımdır ki, Xiaomi 15 seriyasının heç də bütün smartfonları qlobal bazarda satışa çıxmaya bilərlər. Məsələn 2023-cü ildə təqdim edilmiş Xiaomi 14 və Xiaomi 14 Pro modelləri arasında qlobal bazarda satışa çıxmış yeganə model yalnız Xiaomi 14 olmuşdu. Xiaomi 15 seriyası halında da eyni vəziyyət yaşana bilər. Bu halda Xiaomi 15 Pro eksklüziv olaraq Çin bazarı üçün qalacaq. Lakin adi Xiaomi 15 və Xiaomi 15 Ultra-nın mütləq şəkildə qlobal bazarda satışa çıxacağı dəqiqdir.

Mənbə: Xiaomi

Bənzər xəbərlər

Cihazlar+

REDMI K80 Ultra barəsində yeni təfərrüatlar təqdim edilib

Xiaomi-nin REDMI brendi yaxın zamanda REDMI K80 Ultra smartfonunu təqdim etməlidir. Qeyd etmək lazımdır ki, REDMI K80 və K80 Pro modelləri keçən ilin sonunda təqdim edilib.

Cihazlar+

POCO M7 5G-nin fotosu və bəzi texniki imkanları ortaya çıxıb

Xiaomi-nin POCO brendi dekabr ayının ortasında POCO M7 Pro 5G smartfonunu təqdim etmişdi. İndi isə POCO brendi onun adi versiyasını təqdim etməyə hazırlaşır. Söhbət, POCO M7 5G-dən gedir.

Cihazlar+

REDMI Turbo 4 Pro-nun əsas imkanları açıqlanıb

REDMI brendi keçən ayın əvvəlində Turbo 4 adlı smartfonunu təqdim etmişdi. İndi isə Turbo 4 Pro modeli təqdimata hazırlaşır. Sızdırılmış yeni məlumatlara görə, bu model daha güclü prosessor və daha böyük həcmli batareya ilə təchiz ediləcək.

Cihazlar+

Xiaomi 15 Ultra-nın iki rəngli gövdəyə sahib versiyasının fotosu ortaya çıxıb

İnternetdə Xiaomi 15 Ultra flaqman smartfonunun iki rəngli gövdəyə sahib versiyasına aid foto yayımlanıb. Foto cihazın arxa panelini detallı şəkildə nəzərdən keçirməyə imkan verir.

Cihazlar+

Xiaomi MIX Flip 2 barəsində yeni təfərrüatlar təqdim edilib

Çindən yayılan yeni bir şayiəyə görə, Xiaomi tezliklə yeni qatlana bilən qapaqlı Xiaomi MIX Flip 2 smartfonunu təqdim etməyə hazırlaşır. Bu smartfon haqqında bəzi detallar artıq məlumdur.