Xiaomi 15 smartfon seriyasının bəzi özəllikləri açıqlanıb
Xiaomi-nin bu il təqdim edəcəyi Xiaomi 15 smartfon seriyası barəsində yeni məlumatlar internetdə ortaya çıxıb. Beləliklə ortaya çıxmış məlumatlara əsasən sözügedən smartfon seriyası Snapdragon 8 Gen 4 prosessoru vasitəsilə çalışacaq. Nəticədə Xiaomi 15 smartfonları Snapdragon 8 Gen 4-ü ilk əldə edəcək smartfonlar ola bilərlər. Bununla yanaşı məlumatlarda qeyd edilib ki, adi Xiaomi 15 modeli 120 Hz-lik təsvir yenilənməsinə sahib 1.5K keyfiyyətli 6.36 düym AMOLED ekranla təchiz olunacaq və ekranın maksimal parlaqlıq səviyyəsi 1200 nit təşkil edəcək. Xiaomi 15 Pro-ya gəldikdə isə o, 2K keyfiyyətli daha böyük ölçülü ekranla təchiz olunacaq. Lakin ekran ölçüsü məlumatlarda qeyd edilməyib. Xiaomi 15 smartfon seriyasının bu ilin payız fəslində təqdim olunacağı gözlənilir.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
