Xiaomi 15 smartfonu Xiaomi-nin flaqman smartfonları arasında ən böyük həcmli batareyanı əldə edə bilər
Cihazlar+
16.12.2024
Emil
Xiaomi şirkəti gələn ilin əvvəlində Xiaomi 15 seriyasına daxil olacaq daha bir flaqman smartfonu təqdim edəcək. Söhbət, Xiaomi 15 Ultra-dan gedir. İndi isə məlum olub ki, gələn ilin əvvəlində təqdim olunacaq bu smartfon Xiaomi-nin flaqman smartfonları arasında ən böyük həcmli batareyanı əldə edə bilər. Digital Chat Station ləqəbli məşhur insayderin vermiş olduğu məlumata əsasən istehsal prosesi çərçivəsində Xiaomi 15 Ultra-nın texniki imkanları yaxşılaşdırılıb və o, daha böyük həcmli batareyanı əldə edib.
Qeyd etmək lazımdır ki, keçən il təqdim edilmiş Xiaomi 14 Pro modeli 4880 mAh enerji tutumlu batareyaya sahib olduğu halda bu ilin əvvəlində təqdim edilmiş Xiaomi 14 Ultra modelinin Çin versiyası 5300 mAh enerji tutumlu batareyaya, qlobal versiyası isə 5000 mAh enerji tutumlu batareyaya sahibdir. Bu il təqdim edilmiş Xiaomi 15 Pro smartfonu 6100 mAh enerji tutumlu batareya ilə təchiz olunur. Bu isə o deməkdir ki, Xiaomi 15 Ultra smartfonu minimum bu həcmdə və ya ondan daha böyük həcmdə batareyanı əldə edəcək. Bununla yanaşı gözləntilərə əsasən Xiaomi 15 Ultra smartfonu 90 vatt gücündə sürətli naqilli şarj texnologiyasını və 50 vatt gücündə sürətli naqilsiz şarj texnologiyasını dəstəkləyəcək.
Paylaş
Bənzər xəbərlər
Cihazlar+
POCO F7 Pro-nun hansı həcmdə batareyanı və hansı gücdə sürətli şarj texnologiyasının dəstəyini əldə edəcəyi də məlum olub
Artıq dəfələrlə məlumat ortaya çıxıb ki, Xiaomi-nin POCO brendi qlobal bazarda POCO F7 smartfon seriyasını təqdim etməyə hazırlaşır. Bu seriyaya iki modelin daxil olacağı gözlənilir. POCO F7 və F7 Pro.
Cihazlar+
REDMI Note 14 4G və Note 14 Pro 4G smartfonlarının render fotoları və bəzi texniki imkanları ortaya çıxıb
Xiaomi-nin REDMI brendi sentyabr ayının sonunda REDMI Note 14 smartfon seriyasını təqdim etmişdi. Bu seriyaya REDMI Note 14, Note 14 Pro və Note 14 Pro+ modelləri daxil oldular. İndi isə REDMI brendi adi REDMI Note 14 və Note 14 Pro modellərinin 4G versiyalarını təqdim etməyə hazırlaşır.
Cihazlar+
POCO X7 Pro-nun render fotoları təqdim edilib
Biz biraz əvvəl xəbər verdik ki, Xiaomi-nin POCO brendinin yaxın zamanda təqdim edəcəyi POCO X7 smartfonunun render fotoları və texniki göstəriciləri ortaya çıxıb. İndi isə 91mobiles saytı POCO X7 Pro-nun render fotolarını təqdim edib.
Cihazlar+
Xiaomi-nin gələn ilki kompakt ölçülü smartfonu barəsində məlumatlar verilib
Digital Chat Station ləqəbli məşhur insayder bir neçə müddət bundan öncə məlumat vermişdi ki, 2025-ci ildə müxtəlif istehsalçılar kompakt ölçülü smartfonlarını təqdim edəcəklər.
Cihazlar+
POCO X7-nin render fotoları və texniki göstəriciləri təqdim edilib
Bir neçə gün bundan öncə məlumat ortaya çıxdı ki, Xiaomi-nin POCO brendi qlobal bazarda POCO X7 və X7 Pro smartfonlarını təqdim etməyə hazırlaşır. İndi isə internetdə adi POCO X7 modelinin render fotoları və texniki göstəriciləri ortaya çıxıb.
Ən çox oxunanlar
Honor Magic 7 Pro-nun qlobal versiyası təqdim edilib - QİYMƏTİ
