Xiaomi 15T smartfon seriyasının təqdimatı anons edilib

     Xiaomi şirkəti Xiaomi 15T smartfon seriyasının təqdimatını anons edib. Şirkət tərəfindən təqdim edilmiş posterə əsasən bu yeni smartfon seriyası 24 sentyabr tarixində təqdim olunacaq. Gözləntilərə əsasən bu seriyaya 2 model daxil olacaq: Xiaomi 15T və Xiaomi 15T Pro. Daha öncəki məlumat sızıntılarına inansaq, Xiaomi 15T modeli MediaTek Dimensity 8400 Ultra prosessoru vasitəsilə, Xiaomi 15T Pro modeli isə Dimensity 9400+ prosessoru vasitəsilə çalışacaq. Hər iki smartfonun 2772x1280 piksel keyfiyyətli 6.83 düym ölçülü OLED ekranla təchiz olunacağı gözlənilir.