Xiaomi 6 mm qalınlığında maqnitli powerbank təqdim etdi

    Technote.az “The Verge” platformasına istinadən bildirir ki, Xiaomi yeni UltraThin Magnetic Power Bank 5000 modelini rəsmi olaraq elan etməmişdən əvvəl artıq Avstraliya saytında bütün detalları ilə paylaşdı. Cihazın təqdimatının Mobile World Congress 2026 çərçivəsində baş tutacağı gözlənilsə də, texniki xüsusiyyətlər artıq məlumdur.

    Adından da göründüyü kimi, powerbank 5.000 mAh batareyaya malikdir və cəmi 6 mm qalınlığındadır. Bu isə onu bir çox smartfondan daha nazik edir. Məsələn, 7.9 mm qalınlığa sahib olan iPhone 17 modelindən və Apple-ın təqdim etdiyi 7.6 mm-lik MagSafe Battery Pack aksesuarından belə daha nazikdir. Əlbəttə, səyahət üçün adətən 10.000 mAh batareya daha məqsədəuyğun seçim hesab olunur. Bu həcm bir smartfonu tam doldurmağa və əlavə olaraq başqa cihazlara, məsələn, simsiz qulaqlıqlara enerji verməyə imkan yaradır. Lakin Xiaomi-nin 5.000 mAh-lıq bu modeli gündəlik istifadə üçün daha rahat dizayn edilib.

    Ultra nazik korpus sayəsində powerbank smartfona əlavə ciddi qalınlıq vermir. Cəmi 98 qram çəkisi ilə telefonla birlikdə cibdə rahat daşına bilir.

    Şarj imkanlarına gəldikdə isə:

    Bu o deməkdir ki, telefon 25W güclü, Qi2.2 dəstəkli adapterlər qədər sürətli dolmayacaq, lakin gündəlik istifadə üçün kifayət qədər balanslı göstəricilər təqdim edir. Qiymətə gəlincə, qlobal satış qiyməti hələ açıqlanmayıb. Lakin Xiaomi-nin Avstraliya saytında cihazın qiyməti 129 Avstraliya dolları göstərilir və hazırda 69.50 dollara endirimlə təklif olunur. Bu isə təxminən 91 ABŞ dolları (endirimlə 49 dollar) deməkdir.