Bu ilin əvvəlində Xiaomi şirkəti Black Shark 4 gamer smartfonunun təqdim olunacağına işarə edən reklam plakatını təqdim etmişdi. Daha sonra sözügedən smartfon AnTuTu testlərindən keçmişdi. İndi isə Black Shark 4 Çinin TENAA adlı təşkilatının məlumatlar bazasında ortaya çıxıb. Beləliklə smartfonun bir sıra texniki özəllikləri məlum olub. SHARK KSR-A0 kod adına sahib Black Shark 4 smartfonu TENAA-da sertifikatlaşdırmadan keçib. Sertifikatlaşdırma çərçivəsində ortaya çıxmış məlumata əsasən Black Shark 4 smartfonu əvvəlki model kimi 6.67 düym ekrana sahib olacaq.

    Bununla yanaşı smartfon 4500 mAh enerji tutumlu batareya ilə təchiz olunacaq. Maraqlısı ondadır ki, Black Shark 3 modeli 4720 mAh enerji tutumlu batareyaya sahibdir. Daha əvvəlki məlumat sızıntılarında qeyd edilmişdi ki, smartfon Full HD+ keyfiyyətli ekran və Snapdraogn 888 prosessoru ilə təchiz olunacaq. Black Shark 4-ün Android 11 vasitəsilə çalışacağı güman edilir. Smartfonun qiyməti və nə zaman təqdim olunacağı barəsində bir məlumat yoxdur.