Xiaomi Black Shark 4 və Black Shark 4 Pro gamer smartfonları təqdim olunub - QİYMƏTİ

Xiaomi Black Shark 4 və Black Shark 4 Pro gamer smartfonları təqdim olunub - QİYMƏTİ

Mobil Cihazlar
24.03.2021 PAYLAŞIM

    Xiaomi şirkəti Black Shark gamer smartfonlarının 4-cü nəslini təqdim edib. Təqdim olunmuş yeni seriyaya Black Shark 4 Black Shark 4 Pro modelləri daxil olublar. Əsas diqqəti şirkət məhz Pro modelə ayırıb. Belə ki, ən flaqman özəllikləri məhz Pro model əldə edib. Hər iki smartfon xarici görünüşcə eynidir. Onlar öz aralarında bəzi texniki özəlliklərə görə fərqlənirlər. Hər iki smartfon 144 Hz-lik təsvir yenilənməsinə sahib Full HD+ keyfiyyətli 6.67 düym E4 AMOLED ekranı özündə birləşdirir. Ekranların yuxarı mərkəz hissələrində isə ön kamera üçün nəzərdə tutulmuş kiçik dairəvi çıxıntı yerləşdirilib. Bununla yanaşı smartfonların yuxarı və aşağı hissələrində stereo səsgücləndiricilər mövcuddurlar. Lakin Pro modeldə səsgücləndiricilər daha güclüdürlər. Barmaq izi skanı texnologiyası smartfonların yandırıb/söndürmə düymələrinə inteqrasiya edilib


    Smartfonların ekranları həmçinin HDR10+ texnologiyasının dəstəyinə sahibdirlər. Adi Black Shark 4 modeli Snapdragon 870 prosessoru, 6/8/12 GB RAM və 128/256 GB daxili yaddaş həcmi, Black Shark 4 Pro modeli isə 8/12/16 GB RAM və 256/512 GB daxili yaddaş həcmi ilə təchiz olunub. Qeyd etmək lazımdır ki, sözügedən smartfonlarda dünyada ilk dəfə UFS 3.1 standartı ilə SSD kombinasiyasından istifadə olunub. Bunun sayəsində isə yeni Black Shark modellərində məlumatların oxunma sürəti 55%, məlumatların yazılması sürəti isə 69% yüksəlib. Beləliklə şirkət bu smartfonlarda oyunların daha sürətli yazılmasını və məlumatların daha sürətli ötürülməsini söz verir.

    Hər iki smartfon üçlü arxa kameraya və 20 MP-lik ön kameraya sahibdir. Lakin smartfonların arxa kamera göstəriciləri fərqlənirlər. Belə ki, Black Shark 4 modeli 48 MP + 8 MP (120 dərəcə bucaq təsviri) + 5 MP (makroobyektiv) üçlü arxa kamera, Black Shark 4 Pro modeli isə 64 MP + 8 MP + 5 MP üçlü arxa kamera ilə təchiz olunub. Hər iki smartfon 120 vatt gücündə sürətli şarj texnologiyalı 4500 mAh enerji tutumlu batareyaya sahibdir. Şirkətin verdiyi məlumata əsasən smartfonlar 50% enerjini 5 dəqiqəyə, 100% enerjini isə 15 dəqiqəyə yığırlar.

    Smartfonların sağ kənarlarında xüsusi fiziki düymələr mövcuddurlar. Onlar mobil oyunlarda daha rahat idarəetmə sisteminin əldə olunmasında istifadə olunurlar. Lakin istifadəçi öz istəyinə uyğun olaraq həmin düymələrə müxtəlif funksiyaların işə salınmasını da təyin edə bilər. Yeni Black Shark 4 modelləri 3.5 mm-lik audiogiriş ilə NFC modulunu özlərində birləşdirirlər. Smartfonlar Android 11 əməliyyat sistemi vasitəsilə çalışırlar. Onların qiymətləri aşağıdakı kimidir:

- 6 GB RAM-a və 128 GB yaddaşa sahib Black Shark 4 - 384$

- 8 GB RAM-a və 128 GB yaddaşa sahib Black Shark 4 - 414$

- 12 GB RAM-a və 128 GB yaddaşa sahib Black Shark 4 - 460$

- 12 GB RAM-a və 256 GB yaddaşa sahib Black Shark 4 - 507$

- 8 GB RAM-a və 256 GB yaddaşa sahib Black Shark 4 Pro - 614$

- 12 GB RAM-a və 256 GB yaddaşa sahib Black Shark 4 Pro - 691$

- 16 GB RAM-a və 512 GB yaddaşa sahib Black Shark 4 Pro - 810$.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Məşhur analitik iPhone SE Plus barəsində məlumatlar verib

Məşhur analitik Ming-Chi Kuo Apple şirkətinin gələcək büdcəli smartfonları barəsində yeni məlumatlar..


Verilmiş yeni məlumat Samsung şirkətinin Galaxy Note seriyasından imtina etdiyin..

Sonuncu Galaxy Note seriyasının satışa çıxmasından 1 ildən çox vaxt keçib.


OnePlus 10 Pro smartfonunun texniki özəllikləri internetdə ortaya çıxıb

Bir neçə müddət bundan öncə OnePlus 10 Pro smartfon modelinin keyfiyyətli render fotoları ortaya çıx..


iPhone 14 Pro və 14 Pro Max smartfonları USB Type-C girişinə sahib ola bilərlər..

Bir neçə mənbənin verdiyi məlumata əsasən gələn il iPhone 14 Pro və iPhone 14 Pro Max smartfonları L..


Motorola şirkəti Moto G200 adlı yeni flaqman smartfonunu təqdim edib - QİYMƏTİ..

Sözügedən smartfon yüksək təsvir yenilənməsinə sahib ekran, Snapdragon 888+ prosessoru və böyük həcm..


Məşhur insayder OnePlus 10 Pro smartfonunun dizaynını sərgiləyib

OnLeaks ləqəbli məşhur insayder hələ təqdim edilməmiş OnePlus 10 Pro smartfon modelinin dizaynını sə..

×