Xiaomi şirkəti Çinin Weibo adlı sosial şəbəkəsində CIVI 3 smartfonu ilə bağlı ilk tizer fotoları təqdim edib. Təqdim edilmiş fotolardan CIVI 3-ün hansı prosessor vasitəsilə çalışacağı məlum olub. Beləliklə Xiaomi CIVI 3 smartfonu MediaTek Dimensity 8200 Ultra prosessorunu əldə edəcək ilk smartfon olacaq. Bu prosessor Dimensity 8200-ün bir qədər təkmilləşdirilmiş versiyası olmalıdır. Lakin MediaTek Dimensity 8200 Ultra-nı hələ təqdim etməyib.

    Buna görə də onun texniki özəllikləri barəsində dəqiq bir məlumat yoxdur. CIVI 3-ün digər texniki özəlliklərinə gəldikdə isə smartfonun 120 Hz-lik təsvir yenilənməsinə sahib Full HD+ keyfiyyətli AMOLED ekran və ikili ön kamera ilə təchiz olunacağı gözlənilir. Bununla yanaşı smartfon 67 vatt gücündə sürətli şarj texnologiyasının dəstəyinə də sahib olmalıdır. Xiaomi CIVI 3-ün nə zaman təqdim olunacağı barəsində məlumat yoxdur. Lakin onun gələn ayın əvvəlində təqdim ediləcəyi gözlənilir.