Çinin Weibo adlı sosial şəbəkəsində Xiaomi-nin rəsmi səhifəsi CIVI 3 smartfonunun reklam posterlərini təqdim edib. Təqdim edilmiş reklam posterlərində smartfonun xarici görünüşü sərgilənib. Bununla yanaşı posterlərdə smartfonun texniki özəllikləri də yerləşdirilib. Posterlər vasitəsilə smartfonun arxa panel dizaynını qiymətləndirmək olar. Fotolardan da görmək olar ki, CIVI 3-ün arxa panelində kameraları özündə birləşdirəcək böyük ölçülü dairəvi sahə yerləşəcək.

    Xiaomi posterlər vasitəsilə təsdiqləytib ki, CIVI 3 smartfonu 120 Hz-lik təsvir yenilənməsinə sahib ekran və 32 MP-lik ikili ön kamera ilə təchiz olunacaq. Son məlumat sızıntılarına əsasən isə CIVI 3 MediaTek Dimensity 8200 Ultra prosessoru vasitəsilə çalışacaq və özündə 67 vatt gücündə sürətli şarj texnologiyalı 4500 mAh enerji tutumlu batareyanı birləşdirəcək. Smartfon 25 may tarixində təqdim ediləcək.