Xiaomi Civi 5 Pro subflaqman smartfonu təqdim edilib - QİYMƏTİ

     Xiaomi şirkəti Xiaomi 15S Pro ilə yanaşı Xiaomi Civi 5 Pro subflaqman smartfonunu da təqdim edib. Bu yeni smartfon böyük ölçülü ekranı Snapdragon prosessorunu və böyük həcmli batareyanı əldə edib. Beləliklə Xiaomi Civi 5 Pro smartfonu 120 Hz-lik təsvir yenilənməsinə sahib 1.5K keyfiyyətli 6.55 düym ölçülü OLED ekranla təchiz olunub. Ekranın maksimal parlaqlıq səviyyəsi 3200 nit təşkil edir. Üstəlik ekran Gorilla Glass Victus 2 qoruyucu şüşəsi ilə əhatə olunub. Barmaq izi skanı texnologiyası da birbaşa ekrana inteqrasiya edilib.

     Smartfon Snapdragon 8s Gen 4 prosessoru vasitəsilə çalışır və 12/16 GB RAM ilə 256/512 GB daxili yaddaş həcmini əldə edib. Kameralar mövzusunda Xiaomi Civi 5 Pro özündə 50 MP + 12 MP + 50 MP üçlü arxa kameranı və 50 MP-lik ön kameranı birləşdirir. Batareyaya gəldikdə isə smartfon 67 vatt gücündə sürətli şarj texnologiyalı 6000 mAh enerji tutumlu batareya ilə təchiz olunub. Xiaomi Civi 5 Pro artıq Çində satışa çıxıb və onun qiyməti 416$-dan start götürür. Smartfonun digər regionlarda satışa çıxıb-çıxmayacağı bilinmir.