Xiaomi Mi 10 Lite Zoom smartfonunun dəstəyi dayandırılıb

    Xiaomi şirkəti təqdimatdan 3 il sonra Mi 10 Lite Zoom (Mi 10 Youth Edition) smartfonunun dəstəyini rəsmi şəkildə dayandırıb. Şirkət sözügedən smartfonu EOS (End Of Support List) siyahısına daxil edib. Bu isə o deməkdir ki, Mi 10 Lite Zoom smartfonu bundan sonra əməliyyat sistemi və hər ay təhlükəsizlik yenilənmələrini əldə etməyəcək. Qeyd etmək lazımdır ki, Mi 10 Youth Edition smartfonu 2020-ci ilin aprel ayında Çin bazarında satışa çıxmışdı. Bir neçə aydan sonra isə onun qlobal versiyası olan Mi 10 Lite Zoom satışa çıxdı.