Son iPhone modellərində yastı kənar hissələr dizaynının geri qayıdışı eyni dizayna sahib çoxlu sayda Android smartfonun satışa çıxmasına səbəb oldu. Bununla belə Çindən olan istehsalçılar öz flaqman smartfonlarında kənar hissələri əyilmiş dizaynını reallaşdırmağa davam edirlər. Belə ki, istehsalçılar bu cür dizaynı flaqman dizayn hesab edirlər. Lakin görünür, Xiaomi ilk baxışdan birləşdirilməsi qeyri-mümkün bu iki dizayn xüsusiyyətini birləşdirmək qərarına gəlib.

    Digital Chat Station ləqəbli məşhur insayderin verdiyi məlumata əsasən şirkət kənarları əyilmiş dizaynlı ekrana və yastı kənar hissələrə sahib smartfonun hazırlanması ilə məşğuldur. Yastı ekran ilə yastı kənar hissələrə sahib subflaqman smartfonlar adi bir şey kimi göründükləri halda kənarları əyilmiş dizaynlı ekrana və yastı kənar hissələrə smartfon bir qədər qəribə səslənir. Bu cür dizayna Xiaomi 14 Pro smartfonu sahib ola bilər. Qeyd etmək lazımdır ki, Xiaomi hal hazırda aktiv şəkildə Xiaomi 14 smartfon seriyası üzərində çalışır və onun bu ilin sonunda təqdm olunacağı gözlənilir.