Xiaomi şirkəti 4 Redmi smartfonunun dəstəyini həmişəlik dayandırıb

    Xiaomi şirkəti bundan sonra təhlükəsizlik, MIUI və Android yenilənmələrini əldə etməyəcək smartfonların siyahısına yeni modelləri əlavə edib. Siyahıya Redmi brendinin 2019-cu ildə satışa çıxmış 4 smartfon modeli daxil edilib. Söhbət, Redmi K30 5G Speed, Redmi 8A Dual, Redmi Note 8 və Redmi Note 8T modellərindən gedir. Sözügedən smartfonların proqram təminatı səviyyəsində dəstəkləri 1 mart tarixində dayandırıldı. Bu smartfonlar 2019-cu ildə satışa çıxmış olsalar da, onlardan ən çox proqram təminatı yenilənmələrini əldə etmiş modellər Redmi Note 8 və Redmi Note 8T oldular.