Yaxın 5 ildə ekranları avtomatik bərpa olunan smartfonlar satışa çıxacaqlar

Cihazlar+

13.10.2023

Emil Nəcəfov

CCS Insight şirkətinin analitiklərinin proqnozlarına əsasən 2028-ci ilə qədər bazarda ekranları avtomatik şəkildə bərpa olunan smartfonlar satışa çıxacaqlar. Hələ 2013-cü ildə LG şirkəti G Flex adlı smartfon çərçivəsində cihazın arxa panelinin bərpa olunması texnologiyasını reklam edirdi. Lakin həmin texnologiyanın hansı prinsip üzrə çalışdığı sirr olaraq qaldı. Analitiklərin fikirlərinə əsasən yaxın 5 ildə bu cür texnologiya trendə çevriləcək. Bunun üçün istehsalçılar öz smartfonlarının ekranlarında xüsusi nano örtüklərdən istifadə edə bilərlər.

Həmin nano örtüklər isə ətraf mühit ilə qarşılıqlı əlaqə zamanı bərpa olunma özəlliyinə sahib olacaqlar. Lakin söhbət, ciddi zədələnməyə məruz qalmış ekranın bərpa olunmasından getmir. Söhbət, kiçik kosmetik özəlliklərin bərpa olunmalarından gedir. Qeyd etmək lazımdır ki, bəzi şirkətlər artıq bu istiqamətdə olan texnologiyaların patentlərinə sahibdirlər. Məsələn 2017-ci ildə Motorola şirkəti forma yaddaşına sahib polimerdən hazırlanmış ekran patentini əldə etmişdi. Patentə əsasən cızıqlara sahib bu cür ekran özünü bərpa etmək xüsusiyyətinə sahibdir. Lakin buna baxmayaraq bu istiqamətdə hələ hazır məhsullar yoxdur.

Linki kopyala

Test 1