Yeni iPad Pro, iPad Air və MacBook Air modelləri yaz fəslində təqdim oluna bilər

23.01.2024

Bloomberg saytının məşhur insayderi Mark Gurman-ın sözlərinə əsasən Apple şirkəti yaz fəslində yeni təqdimat tədbirini keçirəcək. İnsayder bildirib ki, baş tutacaq təqdimat tədbirində yeni iPad Pro, iPad Air planşetləri və MacBook Air noutbukları təqdim olunacaq. Gurman-ın fikrincə sözügedən cihazlar ya mart ya da aprel ayında təqdim olunacaq. Gözləntilərə əsasən yeni iPad Air modeli Apple M2 prosessoru vasitəsilə çalışacaq. Bununla yanaşı şirkət iPad Air planşetinin 10.9 düym ekranlı versiyasından əlavə olaraq 12.9 düym ekranlı versiyasını da təqdim etməlidir. Yeni iPad Pro-ya gəldikdə isə onda reallaşdırılacaq əsas yenilik OLED ekran olmalıdır. Şirkət iPad Pro-nun 11 və 13 düym ekrana sahib versiyalarını təqdim edəcək.

Paylaş

apple macbook air 2024