Yeni Redmi Note 11, Note 11 Pro və Note 11 Pro+ smartfonları təqdim olunub - QİYMƏTİ

Yeni Redmi Note 11, Note 11 Pro və Note 11 Pro+ smartfonları təqdim olunub - QİYMƏTİ

Mobil Cihazlar
29.10.2021 PAYLAŞIM

    Redmi brendi Redmi Note 11 smartfon seriyasını təqdim edib. Sözügedən seriyaya Redmi Note 11, Note 11 Pro Note 11 Pro+ smartfonları daxil olublar. Gəlin adi Redmi Note 11-dən başlayaq. Note 11 Pro və Note 11 Pro+ modellərindən fərqli olaraq adi Note 11 modeli çox sadələşdirilmiş tərzdə reallaşdırılıb. Lakin buna baxmayaraq bu smartfon öz qiyməti qarşılığında orta səviyyəli göstəriciləri təqdim edir. Redmi Note 11 modeli 90 Hz-lik təsvir yenilənməsinə sahib Full HD+ keyfiyyətli 6.6 düym LCD ekran əldə edib. Ekranın yuxarı mərkəz hissəsində ön kamera üçün nəzərdə tutulmuş kiçik dairəvi çıxıntı mövcuddur. Onu da qeyd etmək lazımdır ki, smartfonda ekranın təsvir yenilənməsinin 60-50 Hz-ə endirmək imkanı reallaşdırılıb.


    Pro modellərdən fərqli olaraq adi Note 11-in ekran ətrafı çərçivələri də bir qədər qalındır. Barmaq izi skanı texnologiyası smartfonun kənar hissəsinə inteqrasiya edilib. Texniki göstəricilərə gəldikdə isə Redmi Note 11 modeli 8 nüvəli və 5G dəstəkli MediaTek Dimensity 810 prosessoru, 4/6/8 GB RAM, 128/256 GB daxili yaddaş həcmi, 50 MP + 8 MP ikili arxa kamera, 16 MP-lik ön kamera və 33 vatt gücündə sürətli şarj texnologiyalı 5000 mAh enerji tutumlu batareya ilə təchiz olunub. Şirkətin verdiyi məlumata əsasən smartfon 100% enerjini 62 dəqiqə ərzində yığa bilir.  Redmi Note 11 modeli MIUI 12.5 interfeysli Android 11 vasitəsilə çalışır. Onun satış qiymətləri isə aşağıdakı kimidir:

- 4 GB RAM + 128 GB yaddaş - 185$

- 6 GB RAM + 128 GB yaddaş - 205$

- 8 GB RAM + 128 GB yaddaş - 235$

- 8 GB RAM + 256 GB yaddaş - 265$.

    İndi isə gələk Pro modellərə. Redmi Note 11 Pro və Note 11 Pro+ modelləri xarici görünüşcə eynidirlər və demək olar eyni texniki özəlliklərə sahibdirlər. Onlar öz aralarında yalnız batareya həcmi və dəstəklənən sürətli şarj texnologiyası üzrə fərqlənirlər. Hər iki smartfon 120 Hz-lik təsvir yenilənməsinə sahib Full HD+ keyfiyyətli 6.6 düym AMOLED ekran ilə təchiz olunub. Adi Note 11 modelində olduğu kimi Pro modellərin ekranlarının mərkəz hissələrində də ön kamera üçün nəzərdə tutulmuş kiçik dairəvi çıxıntı yerləşdirilib. Barmaq izi skanı texnologiyası isə smartfonların yandırıb/söndürmə düymələrinə inteqrasiya edilib.

    Əsas texniki özəlliklərə gəldikdə Pro modellər MediaTek Dimensity 920 prosessoru, 6/8 GB RAM, 128/256 GB daxili yaddaş həcmi, 108 MP + 8 MP (120 dərəcə bucaq təsviri) + 2 MP üçlü arxa kamera və 16 MP-lik ön kamera ilə təchiz olunub. Əvvəldə də qeyd edildiyi kimi sözügedən smartfonlar öz aralarında batareya həcmi və dəstəklənən sürətli şarj texnologiyası ilə fərqlənirlər. Belə ki, Redmi Note 11 Pro modeli 67 vatt gücündə sürətli şarj texnologiyalı 5160 mAh, Redmi Note 11 Pro+ modeli isə 120 vatt gücündə sürətli şarj texnologiyalı 4500 mAh enerji tutumlu batareyaya sahibdir. Hər iki smartfon MIUI 12.5 interfeysli Android 11 vasitəsilə çalışır. Pro modellərin satış qiymətləri aşağıdakı kimidir:

- 6 GB RAM-a və 128 GB yaddaşa sahib Redmi Note 11 Pro - 250$

- 8 GB RAM-a və 128 GB yaddaşa sahib Redmi Note 11 Pro - 297$

- 8 GB RAM-a və 256 GB yaddaşa sahib Redmi Note 11 Pro - 328$

- 6 GB RAM-a və 128 GB yaddaşa sahib Redmi Note 11 Pro+ - 297$

- 8 GB RAM-a və 128 GB yaddaşa sahib Redmi Note 11 Pro+ - 328$

- 8 GB RAM-a və 256 GB yaddaşa sahib Redmi Note 11 Pro+ - 359$.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Honor şirkəti Honor 60 və Honor 60 Pro smartfonlarını təqdim edib - QİYMƏTİ..

Honor şirkəti öz yeni flaqman smartfonları olan Honor 60 və Honor 60 Pro-nu təqdim edib.


Redmi yeni orta büdcəli smartfonu Redmi Note 11T-ni təqdim edib - QİYMƏTİ

Redmi brendi Note 11 smartfon seriyasını daha bir model ilə genişləndirib. Belə ki, yeni orta büdcəl..


Məşhur analitik iPhone SE Plus barəsində məlumatlar verib

Məşhur analitik Ming-Chi Kuo Apple şirkətinin gələcək büdcəli smartfonları barəsində yeni məlumatlar..


Verilmiş yeni məlumat Samsung şirkətinin Galaxy Note seriyasından imtina etdiyin..

Sonuncu Galaxy Note seriyasının satışa çıxmasından 1 ildən çox vaxt keçib.


OnePlus 10 Pro smartfonunun texniki özəllikləri internetdə ortaya çıxıb

Bir neçə müddət bundan öncə OnePlus 10 Pro smartfon modelinin keyfiyyətli render fotoları ortaya çıx..


iPhone 14 Pro və 14 Pro Max smartfonları USB Type-C girişinə sahib ola bilərlər..

Bir neçə mənbənin verdiyi məlumata əsasən gələn il iPhone 14 Pro və iPhone 14 Pro Max smartfonları L..

×