ZTE şirkəti digər Android smartfon istehsalçılarının ardınca qatlana bilən smartfonlar bazarına daxil olmağı planlaşdırır. İnsayderlərin verdikləri məlumata əsasən şirkət hal hazırda Nubia Z60 Fold adlı qatlana bilən smartfon üzərində çalışır. Məlumatda qeyd edilib ki, sözügedən smartfon 7.3 düym əsas AMOLED ekran ilə təchiz olunacaq.

    Smartfonun əlavə ekranı barəsində isə heç bir məlumat verilməyib. Bununla yanaşı insayderlər bildiriblər ki, Nubia Z60 Fold smartfonu Snapdragon 8 seriyasına daxil olan flaqman prosessor vasitəsilə çalışacaq və özündə 256/512 GB daxili yaddaş həcmini və 100 vatt gücündə sürətli şarj texnologiyalı 5000 mAh enerji tutumlu batareyanı birləşdirəcək. Məlumata əsasən ZTE-nin ilk qatlana bilən smartfonu bu ilin dördüncü rübündə təqdim olunacaq.