Elon Musk ABŞ-da pilotsuz nəqliyyat qanununu irəlilətməyə başlayıb

     Elon Musk Hökumət Effektivliyi Departamentinin (DOGE) rəhbəri və prezident Donald Trump-ın müşaviri kimi fəaliyyətindən uzaqlaşıb, lakin Vaşinqtondakı fəaliyyətini davam etdirir. Bloomberg-in anonim mənbələrə istinadən yazdığına görə, o, pilotsuz nəqliyyatla bağlı qanunun qəbuluna təsir göstərmək məqsədilə lobbiçiliklə məşğul olub. Nəşrin məlumatına görə, Musk və onun müttəfiqləri ABŞ Konqresinin bir neçə üzvünə birbaşa zəng ediblər. Onun səylərinin 15 may tarixində təqdim olunmuş “Avtonom Avtomobillərin Sürətləndirilməsi Qanunu” (Autonomous Vehicle Acceleration Act) layihəsinə yönəldiyi güman edilir.

     İş adamı hesab edir ki, Tesla-nın gələcəyi süni zəka, robototexnika və pilotsuz nəqliyyatla birbaşa bağlıdır. O, tez-tez şirkətin dəyərini bu cür avtomobillərə etdiyi investisiyalar və onların bazara çıxarılması ilə əlaqələndirib. Gözlənildiyinə görə, Tesla bu ay ayında Texas ştatının Ostin şəhərində kiçik və məhdud ərazidə fəaliyyət göstərəcək robotaksi xidmətini işə salacaq. Şirkət Cybercab adlı, nə sükanı, nə də pedalı olan avtopilotlu avtomobillərin seriyalı istehsalını qurmaq niyyətindədir. Lakin ABŞ-da hələlik bu cür avtomobillərin geniş miqyasda fəaliyyət göstərməsinə imkan verən dəqiq qanunvericilik bazası və ya standartlar mövcud deyil.