NVIDIA və Bolt Avropada robotaksi layihəsi üçün birləşdi

    Technote.az “Engadget” platformasına istinadən bildirir ki, NVIDIA və Avropanın məşhur ride-sharing şirkəti Bolt GTC 2026 tədbirində robotaksi gələcəyini hədəfləyən yeni tərəfdaşlıqlarını elan ediblər. Bu əməkdaşlıq hər iki tərəf üçün strateji üstünlüklər vəd edir.

    Razılaşmaya əsasən, Bolt özünün geniş sürüş məlumatlarını NVIDIA ilə paylaşacaq. Bu məlumatlar süni intellekt əsaslı “öyrənmə mühərriki”nin yaradılmasına kömək edəcək və avtonom nəqliyyat vasitələrinin inkişafını sürətləndirəcək. Bolt məlumatların işlənməsi və axtarışı üçün NVIDIA-nın NVIDIA Cosmos platformasından istifadə edəcək.

    Bundan əlavə, şirkət real sürüş ssenarilərini rəqəmsal mühitdə yenidən qurmaq üçün NVIDIA Omniverse platformasına müraciət edəcək. Bu texnologiya vasitəsilə “digital twin” modelləri yaradılacaq və həmin məlumatlar yenidən Cosmos üzərindən genişləndirilərək süni şəkildə artırılacaq.

    Layihədə mühüm rol oynayan digər texnologiya isə NVIDIA-nın avtonom sürüş üçün xüsusi hazırlanmış NVIDIA Alpamayo modelidir. Bu model Avropa şəhərlərinin mürəkkəb yol şəraitinə uyğun təhlükəsiz sürüş davranışını öyrənməyə kömək edəcək. Eyni zamanda, Bolt öz avtomobillərinə NVIDIA Drive Hyperion platformasını inteqrasiya edəcək.