Tesla 25 000$ qiymətində elektromobil istehsal etməyə çox yaxındır

Nəqliyyat

06.12.2023

Emil

Çinin kütləvi informasiya vasitələrinin vermiş olduqları məlumata əsasən Tesla şirkəti Şanxaydakı Gigafactory zavodunun 3-cü hissəsinin inşasını bərpa etməyə hazırlaşır. Məlumata əsasən Tesla-nın 25 000$ qiymətində satılacaq elektromobili zavodun məhz bu hissəsində istehsal ediləcək. Elon Musk dünən vermiş olduğu müsahibə çərçivəsində bildirib ki, şirkət 25 000$-a satılacaq elektromobilin kütləvi istehsalı mövzusunda ciddi irəliləyiş əldə edib. Daha öncəki məlumat sızıntılarında qeyd edilmişdi ki, sözügedən elektromobil 2025-ci ildən tez istehsal edilməyəcək. Musk isə 25 000$ satış qiymətinə sahib elektromobili 2020-ci ildə anons etmişdi. Qeyd etmək lazımdır ki, Tesla-nın Şanxaydakı zavodu hal hazırda yalnız Tesla Model 3 və Model Y elektromobillərini istehsal edir.

Paylaş

tesla

tesla motors

Bənzər xəbərlər