Tesla Cybertruck-ın Avropada satışları qadağan edilə bilər
Nəqliyyat
10.10.2024
Emil
Tesla-nın elektrikli pikapı olan Cybertruck-ın Avropada satışları qadağan edilə bilər. Səbəb isə bu pikapın konstruksiyası ilə bağlı təhlükəsizlik problemidir. Avropa Nəqliyyat Təhlükəsizliyi Şurası və Avropa Velosipedçilər Fondu kimi təşkilatlar Tesla Cybertruck-ın ictimai yollarda istifadəsinin qadağan edilməsini istəyirlər. Bu ideyanın ən aktiv şəkildə irəli çəkildiyi ölkə isə Çexiyadır.
Məsələ burasındadır ki, Çexiyada alıcılardan biri təhlükəsizlik ilə bağlı problemlərin aradan qaldırılması istiqamətində elektromobilin konstruksiyasında müəyyən dəyişikliklər edəndən sonra onu qeydiyyatdan keçirə bilib. Həmin dəyişikliklərdən biri də Cybertruck-ın iti sahələrinə rezin örtüyün əlavə edilməsi olub. Aktivistlər Çexiyanın nəqliyyat naziri Martin Kupka-ya məktub göndəriblər və göndərilmiş məktubda qeyd ediblər ki, Cybertruck yol hərəkətinin digər bütün iştirakçıları üçün böyük riskdir.
Paylaş
Ən çox oxunanlar
Enerjinin naqilsiz şəkildə ötürülməsində yeni rekorda imza atılıb
