Tesla ən yüksək qəza-ölüm nisbətinə sahib marka olub!
Nəqliyyat
09.12.2024
Farid Pardashunas
Tesla ABŞ-da ölümcül qəza göstəricilərinə görə lider olub. Bəs özünü ən təhlükəsiz markalardan biri kimi təqdim edən Tesla-nın ölüm göstəricilərinin bu qədər yüksək olmasının səbəbi nədir?
iSeeCars tərəfindən aparılan araşdırma 2017-2022-ci illər arasında ABŞ Ölümcül Qəza Analizi Hesabat Sistemi məlumatlarının analizinə əsaslanır. Araşdırmaya görə, Tesla avtomobillərinin orta hesabla milyard mil başına 5.6 ölüm göstəricisi var. Bu rəqəm Kia üçün 5.5, Buick üçün 4.8 və Dodge üçün 4.4 olaraq təyin edilib. Ümumi avtomobil göstəricisinin ortalaması isə 2.9-dur. Beləliklə, Tesla-nın ölüm nisbəti ortalamanın 2 qatından çoxdur. Bəs bunun səbəbi nədir? iSeeCars analitikləri, yüksək ölüm nisbətlərinin avtomobil dizaynından çox sürücü davranışları ilə əlaqəli olduğunu iddia edir. Tesla avtomobillərində bu göstəricinin yüksək olmasının səbəbi istifadəçi profili ola bilər.
- Tesla: 5.6
- Kia: 5.5
- Buick: 4.8
- Dodge: 4.4
- Hyundai: 3.9
- Ümumi orta: 2.8
iSeeCars eyni zamanda ən yüksək ölüm nisbətinə malik 23 avtomobil modelinin siyahısını da yayımlayıb. Siyahının başında milyard mil başına 13.9 ölüm göstəricisi ilə Hyundai Venue modeli yer alır ki, bu da sənaye ortalamasından 5 dəfə çoxdur. Venue-dən sonra Chevrolet Corvette və Mitsubishi Mirage (13.6), Porsche 911 (13.2) və Honda CR-V Hybrid (13.2) modelləri gəlir. Tesla Model Y isə milyard mil başına 10.6 ölüm göstəricisi ilə 6-cı sırada yer alır.
| Sıralama | Model | Ölümcül qəza nisbəti (milyard mil başına düşən avtomobillər) | Ümumi orta ilə müqayisə |
| 1 | Hyundai Venue | 13.9 | 4.9x |
| 2 | Chevrolet Corvette | 13.6 | 4.8x |
| 3 | Mitsubishi Mirage | 13.6 | 4.8x |
| 4 | Porsche 911 | 13.2 | 4.6x |
| 5 | Honda CR-V Hybrid | 13.2 | 4.6x |
| 6 | Tesla Model Y | 10.6 | 3.7x |
| 7 | Mitsubishi Mirage G4 | 10.1 | 3.6x |
| 8 | Buick Encore GX | 9.8 | 3.4x |
| 9 | Kia Forte | 8.1 | 2.9x |
| 10 | Buick Envision | 8.0 | 2.8x |
| 11 | Kia Soul | 7.3 | 2.6x |
| 12 | Toyota Corolla Hibrid | 7.3 | 2.6x |
| 13 | Chevrolet Camaro | 7.3 | 2.6x |
| 14 | Nissan Versa | 7.2 | 2.5x |
| 15 | Kia K5 | 7.1 | 2.5x |
| 16 | Kia Seltos | 6.8 | 2.4x |
| 17 | Ford Bronko | 6.6 | 2.3x |
| 18 | Ford Bronco Sport | 6.2 | 2.2x |
| 19 | Dodge Charger | 6.1 | 2.1x |
| 20 | Toyota Prius | 5.9 | 2.1x |
| 21 | Tesla Model S | 5.8 | 2.0x |
| 22 | INFINITI Q50 | 5.8 | 2.0x |
| 23 | Toyota Venza | 5.6 | 2.0x |
| ümumi orta | 2.8 | – |
Araşdırmanın baş analitiki Karl Brauer, ölüm siyahısında olan bir çox avtomobilin (Tesla Model Y də daxil olmaqla) toqquşma testlərində mükəmməl qiymət aldığını və yüksək performans göstərdiyini vurğulayır. Yəni bu rəqəmlər, Tesla avtomobillərinin təbiətcə təhlükəsiz olmadığını deyil, düzgün istifadə edilmədiyini göstərir. Riskli davranışlar, diqqətsizlik və ya Avtopilot sisteminə həddindən artıq güvənmək artan ölüm nisbətlərinə səbəb ola bilər.
Həmçinin qeyd etmək lazımdır ki, ölüm göstəricilərində ən üst sıralarda subkompakt və kompakt avtomobillər yer alır, orta və tam ölçülü avtomobillər isə sənaye ortalamasından aşağı göstəriciyə malikdir. Bunun səbəbi fizika qanunları ilə bağlıdır. Kiçik bir avtomobil daha böyük bir avtomobillə toqquşduqda, daha kiçik avtomobilin kütləsi az olduğu üçün daha çox zərər görür. Buna görə də rəqəmləri bu məlumatlar işığında dəyərləndirmək faydalıdır.
Linki kopyala
Bənzər xəbərlər
Oxşar xəbərlər
Tesla Cybercab pilotsuz taksilərinin distant idarəsi üçün iıçi axtarışındadır
Tesla Cybercab pilotsuz taksilərinin distant idarəsi üçün iıçi axtarışındadır
Tesla şirkəti oktyabr ayında Cybercab adlı pilotsuz taksini təqdim etdi. Bununla yanaşı Elon Musk-ın sözlərinə əsasən artıq 2026-cı ildə şirkətin pilotsuz taksi servisi istifadəyə verilməlidir.
Tesla Optimus-dan yeni video: Havada ona atılan topu belə tuta bilir!
Tesla Optimus-dan yeni video: Havada ona atılan topu belə tuta bilir!
Tesla, insanabənzər robot modeli Optimus üçün yeni bir video yayımlayıb. Videoda robot, ona atılan tennis topunu praktik şəkildə tuta bilir.
Tesla ölümlə nəticələnən qəzaların sayı mövzusunda lider şirkətdir
Tesla ölümlə nəticələnən qəzaların sayı mövzusunda lider şirkətdir
Avtomobillərin axtarışı servisi olan iSeeCars-ın aparmış olduğu tədqiqat onu göstərib ki, istənilən digər avtomobillərdən fərqli olaraq Tesla elektromobilləri ölümlə nəticələnən qəzalarda daha çox iştirak edirlər.
Kim Kardashian Tesla-nın yeni robotu ilə video paylaşıb!
Kim Kardashian Tesla-nın yeni robotu ilə video paylaşıb!
Kim Kardashian, Tesla-nın yeni Optimus robotu ilə olan videosunu sosial media hesabında paylaşıb.
Google və Apple şirkətlərinin məcbur edəcəkləri təqdirdə Tesla öz smartfonunu hazırlaya bilər
Google və Apple şirkətlərinin məcbur edəcəkləri təqdirdə Tesla öz smartfonunu hazırlaya bilər
Elon Musk bildirib ki, Tesla şirkəti Apple və Google şirkətlərinin tətbiqlərdə senzuranı tətbiq etmədikləri və ciddi nəzarətçilər rolunda çıxış etmədikləri müddətcə smartfon hazırlamaq ideyasından kənarda duracaq.
Həftənin xəbərləri
