Tesla-nın FSD sistemi mesajlaşmaya icazə verir

    Technote.az “TechCrunch” platformasına istinadən bildirir ki, Elon Musk bildirib ki, şirkətin ən son Full Self-Driving (Supervised) proqram yeniləməsi avtomobil hərəkətdə olarkən sürücülərə mesaj yazmağa icazə verir. Halbuki ABŞ ştatlarının demək olar ki, hamısında sükan arxasında telefonla mesajlaşmaq qanunla qadağandır.

    Musk bu fikri X platformasında başqa bir istifadəçinin paylaşımına cavab olaraq yazıb. Həmin istifadəçi FSD-nin son versiyasında telefondan istifadə etdikdə xəbərdarlıq etmədiyini qeyd edib. Musk isə “bu, trafikin kontekstindən asılı olaraq mümkündür” deyə cavab verib. Tesla məsələ ilə bağlı əlavə açıqlama verməyib, çünki şirkətin artıq rəsmi PR komandası yoxdur. Musk-ın özünə göndərilən e-poçta da cavab gəlməyib.

    ABŞ Nəqliyyat Statistikası Bürosunun məlumatına görə, ölkənin demək olar ki, bütün ştatlarında yolda mesaj yazmaq qadağandır. Musk-ın iddialarına baxmayaraq, Full Self-Driving hələ də tam avtonom idarəetmə sistemi deyil, sadəcə inkişaf etdirilmiş sürücü-assistent texnologiyasıdır. İlk mərhələlərdə FSD aktiv olanda sürücünün sükanı əlində saxlaması tələb olunurdu. Daha sonra bu tələb ləğv edildi və sistem yalnız kameralar vasitəsilə sürücünün diqqətinin yolda olduğunu təsdiqləməklə işləməyə başladı. FSD sürücünün yoladan diqqətini yayındırmamasını yoxlamaq üçün salon kamerası və sükan sensorlarının birləşməsindən istifadə edir. Bununla belə, sistem gözlənilməz vəziyyətlərdə idarəetməni sürücüyə qaytara bilir və bu keçid anı bir çox qəzaların əsas səbəbi sayılır.