Uber Dallasda robotaksi xidmətinə başlayır

    Technote.az "Engadget" platformasına istinadən bildirir ki, Uber bu ildən etibarən daha çox şəhərdə robotaksi xidmətlərini əlçatan etmək üçün fəaliyyətini genişləndirir və şirkət bu istiqamətdə növbəti addımını Dallasda atıb. Bugündən etibarən Dallas sakinləri Uber tətbiqi vasitəsilə avtonom nəqliyyat vasitələrini sifariş edə biləcəklər. Xidmət Uber-in Avride şirkəti ilə əməkdaşlığı çərçivəsində təqdim olunur.

    İlkin mərhələdə robotaksilər tam pilotsuz olmayacaq: Avride-ın Hyundai Ioniq 5 modellərindən ibarət avtomobillərin ön oturacağında təhlükəsizlik məqsədilə bir əməkdaş olacaq. Lakin Uber gələcəkdə sistemi tam sürücüsüz modelə keçirməyi planlaşdırır. Əgər istifadəçiyə avtonom nəqliyyat vasitəsi təyin olunarsa, o, istəyə uyğun şəkildə klassik sürücü ilə işləyən Uber maşınına keçid edə bilər.