Waymo yenidən gündəmdə: robotaksi yanan fişəngi təhlükə kimi tanımadı

    ABŞ-nin San-Fransisko şəhərində fəaliyyət göstərən avtonom taksi xidməti olan Waymo bu dəfə qeyri-adi və təhlükəli hadisə ilə gündəmə gəlib. İyulun 4-də keçirilən Müstəqillik Günü qeyd etmələri zamanı şirkətin sürücüsüz avtomobillərindən biri yolda yandırılmış fişəngin üzərindən keçib. Hadisə zamanı avtomobildə olan sərnişinlər baş verənləri arxa oturacaqdan videoya çəkiblər. Görüntülərdə küçədə qanunsuz fişənglər yandıran insanların olduğu və robotaksinin birbaşa həmin təhlükəli əraziyə daxil olduğu görünür.

    Hadisə nəticəsində xəsarət alan olmayıb. Lakin insident avtonom nəqliyyat vasitələrinin gözlənilməz təhlükələri necə qiymətləndirdiyi və belə situasiyalarda hansı qərarları verdiyi ilə bağlı sualları yenidən gündəmə gətirib.